حمد رب جلیل توحیدِ خدا کا ہے نغمہ اللہُ احد اللہُ احد بلال رشید

'حمد رب جلیل' میں موضوعات آغاز کردہ از بلال رشید, ‏جون 19, 2017۔

  1. بلال رشید

    بلال رشید Member رکن فروغ نعت

    پیغامات:
    249
    توحیدِ خدا کا ہے نغمہ اللہُ احد اللہُ احد
    کہتے ھیں مسلماں صبح و مسا اللہُ احد اللہُ احد
    ظاھر بھی وہی باطن بھی وہی مخلوق کا اک ضامن بھی وہی
    ہر آن اُسی کا ہے جلوہ اللہُ احد اللہُ احد

    خالق ہے وہ مخلوق ہیں ہم رازق ہے وہ مرزوق ہیں ہم
    واجب ہے اسی کی حمد و ثناء، اللہ احد اللہ احد

    ہم عابد ہیں معبود ہےوہ ہم ساجد ہیں مسجود ہے وہ
    آتی ہے ہر دم دل سے دعا اللہ احد اللہ احد

    جلوے فطرت کے جب دیکھوں یا ذات پہ اس کی کچھ سوچوں
    آتی ہے یکدم لب پہ صدا اللہ احد اللہ احد

    بخشا اس نے ایمان ہمیں پھر اس نے دیا قرآن ہمیں
    ہے کتنی بڑی یہ اس کی عطا اللہ احد اللہ احد
    آدم سے محمد تک سب کا پیغام یہی تھا دنیا میں
    معبود ہے سب کا ایک خدا اللہ احد اللہ احد
    جب تک میں بلال رہوں ذندہ توحید کا کرتا رہوں چرچا
    هو لب پہ مرے یہ ورد سدا اللہ احد اللہ احد

اس صفحے کو مشتہر کریں