1. محترم مہمان السلام علیکم! فروغ نعت فورم میں سوشل شیئر کا آپشن شامل کیا گیا ہے۔ جب آپ کوئی نیا موضوع شروع کرتے ہیں تو موضوع کے شروع ہو جانے پر موضوع کے اوپر یہ آپشن ظاہر ہوتا ہے اس آپش پر کلک کرنے سے مختلف سوشل نیٹ ورکس کے آئکان ظاہر ہوتے ہیں آپ اپنی پسند کے نیٹ ورک پر اسے شائع کر سکتے ہیں۔میری دوستوں سے درخواست ہے کہ جب بھی کوئی کلام فورم میں شامل کریں تو سوشل شیئر بٹن کے ذریعہ اس کو فیس بک ، ٹویٹر اور گوگل پلس وغیرہ پر بھی شیئر کر دیا کریں اور اگر ممکن ہو تو جس کا کلام ہو اس کی فیس بک وال پر بھی شیئر کیا کریں تاکہ فورم کی ٹریفک میں اضافہ ہو اور لوگوں کی آمد و رفت رہے۔ جوکہ اس فورم کی مقبولیت کے لیے بہت ضروری ہے۔

پیرنصیرالدین نصیر راستے صاف بتاتے ہیں کہ آپ آتے ہیں(پیر نصیرالدین نصیر)

'انتخاب نعت' میں موضوعات آغاز کردہ از محمد شاہد رضا خان, ‏نومبر 29, 2017۔

  1. محمد شاہد رضا خان

    محمد شاہد رضا خان Member رکن فروغ نعت

    پیغامات:
    74
    راستے صاف بتاتے ہیں کہ آپ آتے ہیں،
    لوگ محفل کو سجاتے ہیں کہ آپ آتے ہیں،

    اہلِ دل گیت یہ گاتے ہیں کہ آپ آتے ہیں،
    آنکھ رہ رہ کہ اُٹھاتے ہیں کہ آپ آتے ہیں،

    کہکشاں ، رہگزر ، چاند ، ستارے ، ذرے،
    سب چمک کر یہ دکھاتے ہیں کہ آپ آتے ہیں،

    اپنے شاہکار پے خلاقِ دو عالم کو ہے ناز،
    انبیاء جھومتے جاتے ہیں کہ آپ آتے ہیں،

    اہلِ ایماں کے لبوں پر ہے درود اور سلام،
    یومِ میلاد مناتے ہیں کہ آپ آتے ہیں،

    دل کو جلووں کی طلب ، آنکھ کو طیبہ کی لگن،
    دیکھیے مجھ کو بلاتے ہیں کہ آپ آتے ہیں،

    اُنکی آمد کے پیامی ہیں صبا کے جھونکے،
    پھول شاخوں کو ہلاتے ہیں کہ آپ آتے ہیں،

    بول بالا ہوا حق کا تو بُتانِ باطل،
    خانہِ کعبہ سے جاتے ہیں کہ آپ آتے ہیں،

    رہگزر میں نظر آنے لگے ہر سو جلوے،
    ذرے رہ رہ کے بتاتے کہ آپ آتے ہیں،

    مرحبا صلی علٰی کی صدائیں ہیں لب پر،
    لوگ صدقے ہوئے جاتے ہیں کہ آپ آتے ہیں،

    اُنکے جلووں سے نکھرنے لگی دل کی رونق،
    میری تقدیر جگاتے ہیں کہ آپ آتے ہیں،

    چاند تاروں میں نصیر آج بڑی ہلچل ہے،
    یہی آثار بتاتے ہیں کہ آپ آتے ہیں.



    ****