1. محترم مہمان السلام علیکم! فروغ نعت فورم میں سوشل شیئر کا آپشن شامل کیا گیا ہے۔ جب آپ کوئی نیا موضوع شروع کرتے ہیں تو موضوع کے شروع ہو جانے پر موضوع کے اوپر یہ آپشن ظاہر ہوتا ہے اس آپش پر کلک کرنے سے مختلف سوشل نیٹ ورکس کے آئکان ظاہر ہوتے ہیں آپ اپنی پسند کے نیٹ ورک پر اسے شائع کر سکتے ہیں۔میری دوستوں سے درخواست ہے کہ جب بھی کوئی کلام فورم میں شامل کریں تو سوشل شیئر بٹن کے ذریعہ اس کو فیس بک ، ٹویٹر اور گوگل پلس وغیرہ پر بھی شیئر کر دیا کریں اور اگر ممکن ہو تو جس کا کلام ہو اس کی فیس بک وال پر بھی شیئر کیا کریں تاکہ فورم کی ٹریفک میں اضافہ ہو اور لوگوں کی آمد و رفت رہے۔ جوکہ اس فورم کی مقبولیت کے لیے بہت ضروری ہے۔

مناقب اہلبیت عارف امام: کبھی قتالِ مسلسل، کبھی رکی ہوئی تیغ

'مناقب اہل بیت' میں موضوعات آغاز کردہ از شاہ بابا, ‏جون 15, 2017۔

  1. شاہ بابا

    شاہ بابا فضائے نعت میں رہنے سے دل دھڑکتا ہے رکن انتظامیہ

    پیغامات:
    671
    کبھی قتالِ مسلسل، کبھی رکی ہوئی تیغ
    درونِ صُلبِ فروبستہ دیکھتی ہوئی تیغ

    سرِ فرس ہے کہیں اور کا بنا ہوا شخص
    چلا رہا ہے کہیں اور کی بنی ہوئی تیغ

    وہی لہو ، وہی اس کا سلیقہٗ اظہار
    وہی گُندھی ہوئی مٹیّ، وہی سَنی ہوئی تیغ

    وہی اذانِ مشیّت، وہی اقامتِ عشق
    وہی جھکی ہوئی گردن، وہی اٹھی ہوئی تیغ

    کبھی کبھی لبِ خندانِ طفلکِ تشنہ
    کبھی کبھی کسی لہجے میں گونجتی ہوئی تیغ

    وہی خصائص ِپوشاک و سینہ ہائے عدو
    وہی دبی ہوئی نفرت، وہی چھُپی ہوئی تیغ

    رُکا ہوا ہے وہی ثانیہ سرِ محراب
    وہی نماز وہی زہر میں بجھی ہوئی تیغ

    عارف امام