ہمیشہ دولتِ دارین سے وہ بہرہ ور ٹھہرا
جمالِ چہرۂ اقدس کا جو دریوزہ گر ٹھہرا
روش جس نے بھی اپنائی شہنشاہِ دو عالم کی
زمانے میں وہی انساں نہایت معتبر ٹھہرا
نہیں ہے منزلِ مقصود جس کی جانبِ بطحا
کوئی بھی قافلہ ہو کارواں ہو در بدر ٹھہرا
خدا شاہد ہے جس پل بھی مجھے یادِ نبی آئی
وہی لمحہ تو میرے واسطے راحت اثر ٹھہرا
کھلا عقدہ، کرم ہے سر بہ سر یہ میرے آقا کا
مکرر در پہ آجانا، درودوں کا ثمر ٹھہرا
گھڑی بھر دل کی دنیا میں جو یادِ مصطفیٰ آئی
زہے قسمت یہ لمحہ حاصلِ شام و سحر ٹھہرا
پیامِ حق بڑی سرعت سے پھیلا ہے مدینے سے
مبارک آپ کو بطحا کی ہجرت کا سفر ٹھہرا
قلم سےپھوٹتی ہے روشنی قرطاسِ مدحت پر
خیالِ نعت سے روشن مرا رنگِ ہنر ٹھہرا
جو ٹپکا دیدۂ بے تاب سے ان کی محبت میں
سَرشکِ ناز گویا رشکِ صد لعل و گہر ٹھہرا
جمالِ چہرۂ اقدس کا جو دریوزہ گر ٹھہرا
روش جس نے بھی اپنائی شہنشاہِ دو عالم کی
زمانے میں وہی انساں نہایت معتبر ٹھہرا
نہیں ہے منزلِ مقصود جس کی جانبِ بطحا
کوئی بھی قافلہ ہو کارواں ہو در بدر ٹھہرا
خدا شاہد ہے جس پل بھی مجھے یادِ نبی آئی
وہی لمحہ تو میرے واسطے راحت اثر ٹھہرا
کھلا عقدہ، کرم ہے سر بہ سر یہ میرے آقا کا
مکرر در پہ آجانا، درودوں کا ثمر ٹھہرا
گھڑی بھر دل کی دنیا میں جو یادِ مصطفیٰ آئی
زہے قسمت یہ لمحہ حاصلِ شام و سحر ٹھہرا
پیامِ حق بڑی سرعت سے پھیلا ہے مدینے سے
مبارک آپ کو بطحا کی ہجرت کا سفر ٹھہرا
قلم سےپھوٹتی ہے روشنی قرطاسِ مدحت پر
خیالِ نعت سے روشن مرا رنگِ ہنر ٹھہرا
جو ٹپکا دیدۂ بے تاب سے ان کی محبت میں
سَرشکِ ناز گویا رشکِ صد لعل و گہر ٹھہرا